Sa Jeep

Babala: Nagpapaka-deep 'yung taong guamawa neeetoooo. Hahahaha!

Nakatitig ako sa mga tao sa jeep. Pinagmamasdan ko ang bawat isa sa kanila. Bumubuo ng konklusyon base sa mga obserbasyon ko.

Una, may mga taong nagkalat ang mga gamit, sige teh! kunwari bahay mo 'to, feel at home lang teh.

Pangalawa, nagkalat din 'yung mga anak nila. Hala, ading, pwede ka bang umusod kahit konti? Uupo si ate, 'wag mong angkinin 'yung buong space. Solomot. Tas halika dito punasan natin 'yang sipon mo at 'yang ice cream na nagkalat sa muka mo.

Pangatlo, meron at meron talagang pasahero sa jeep na ayaw umusod. 'Yung feeling ata niya, may photo shoot kaya kelangang naka side-view siya. At 'yung mahabang buhok niya, kelangan talagang nagpapadala sa hangin, kaya sige, nahampas na ng buhok niya 'yung muka mo. (uy, ang sakit kayang mahampas ng buhok sa muka.. T__T Naalala ko lang bigla, noong may dreads pa ako, nahampas ko 'yung katabi ko ng dreads ko. Wahahahaha! Natakot kaya siya ng mga oras na 'yun? Hmmmm...)

Pang-apat, meron ding deadma kapag magbabayad ka. BAYAD PO! BAYAD PO! Ate, pakiabot naman po oh, hindi po ako si lastikman, at 'wag ka po sanang umirap kung sa 'yo po namin inaabot 'yung bayad, GINUSTO MO 'YAN EH! GINUSTO MO 'YANG PWESTO MO, PANINDIGAN TEH, PANINDIGAN MO.

Pang lima, kung may deadma, may ever so helpful person din naman. Siya 'yung ever so energetic sa pag-abot ng bayad, sa pagsabi kung ilan 'yung nagbayad, kung ano 'yung status nung nagbayad, kung studyante ba or senior. Siya rin 'yung sisigaw ng "PARA DAW!" Kung bingi si manong driver. Siya din 'yung tipo ng tao na, isasacrifice 'yung comfortable spot niya, para lang makaupo ka. :')

Pang-anim, meron 'yung antukin. 'Yung kung makasandal sa 'yo parang shota mo. Hala, PDA lang masyado? Wahahahahaha!

Pang-pito, 'yung mga walang pake sa mundo. Sige text lang ng text kahit siksikan na kayo. Ayaw umurong (parang si number 3) kahit na siksikan na kayo. Wala siyang pake kung na-viviolate na niya 'yung space mo (naks, ang arte). Wala siyang pake kung 'yung bag niya, kalong mo na. Wala siyang pake kung sinasampal ka na nung 3 years old niyang anak.

Pang-walo, meron 'yung kung makipag-usap parang sila lang 'yung tao sa buong mundo. Alam mo na tuloy 'yung biography nung anak ng pinsan ng pamangkin ng kapitbahay ng asawa ng lola niya. Tsk.

Pang-siyam, at meron din 'yung naiiritang pasahero, tulad ng mga taong nagsusulat ng ganito. Feeling mayaman, eh di mag-taxi ka kung naiirita ka sa mga kasabay mo sa jeep! Pasalamat ka nga, may jeep kayo eh. Pare-parehas lang tayong nagbabayad, kaya may karapatan tayong gawin kung ano man ang gustuhin mo sa loob ng jeep, bahala ka na kung paano mo i-iinterpret 'yun. NAAAAKS, wala akong naintindihan sa tinype ko.LOLS!